教育局局長孫明揚用咗兩年時間推動教材分拆，希望迫使書商將學生同教師用書分開售賣，以為咁樣就可以降低教科書售價減輕家長負擔，但點知畀班書商玩番轉頭，分拆咗之後有啲學生用書仲反而貴咗，就算有減價都係減得嗰一個幾毫。做過教育統籌局局長嘅王永平，尋日就喺電台用二合一洗髮護髮素做比喻，話拆番開做普通洗頭水同護髮素分開賣，通常都係貴咗而唔會平咗，佢又有佢嘅道理喎。
