立法會尋日開始辯論有史以來最多、總共過千項修訂嘅《二○一二年立法會（修訂）條例草案》，用以禁止辭職議員喺六個月內再參選。漫長嘅辯論中，議員可以自由出入會議廳，但政制及內地事務局局長譚志源（Raymond）就要坐足全程。
向來幽默嘅Raymond，尋日朝喺電台節目投晒降話，如果佢開開吓會頂唔順，要拎支藥油出嚟搽，咁就希望提出修訂嘅人民力量議員高抬貴手，鬧少啲佢喎。
