政情：李嘉誠基金會 繼續愛香港

今個回合會以「香港核心價值」嘅自由、公平與關懷作為廣告嘅主題，仲設立咗選舉平台，方便市民利用「一人一票」嘅形式，投選大家支持嘅「愛港方程式」。

「Love Ideas, Love HK集思公益計劃」係李嘉誠基金會撥款三億元策劃嘅「香港仁 愛香港」公益行動其中一項活動，繼計劃第一回合「香港城市風貌」及第二回合嘅「香港集體回憶」取得社會大眾廣泛關注，並累積超過一百三十萬市民嘅網上同電話投票支持後，因而推出第三回合，邀請全港市民由今日起至廿三日，到計劃嘅網站www.loveideas.hk申請資助。