探射燈：東平洲百無 政府趕客
「點算呀？又渴又餓呀﹗」「旅遊區連一支水都冇得賣？」東平洲地質公園自去年「升呢」為世界級地質公園，每逢周末便有逾八百名遊客到來「朝聖」。但島上士多在過去十年不獲政府發牌，近期更遭政府部門輪流「冚檔」，致關門大吉；加上前往該島班次疏落，令沒有帶備足夠乾糧和水的遊客叫苦連天，有遊客因抵不住飢餓下，自行包船逃離「荒島」，有遊客甚至需要求警協助。旅遊業界擔心，島上配套設施不足，會減低遊客前往東平洲的意欲，影響香港旅遊業聲譽。
星期日的早上，馬料水碼頭人山人海，不少港人及外地旅客乘船到風光明媚的東平洲觀光，王小姐甫上岸便四處問沙頭村的原居民，「唔該，有冇水賣？我冇帶到水！」未幾，年過七十歲的陳伯亦向居民討水喝，多名居民都無奈搖頭着他們到大塘村的士多碰運氣，其中李太指出：「之前就有得賣，但依家聽聞唔敢賣啦！」
多個部門密集冚檔
記者環顧整個島，除民居外，只得碩果僅存的三間士多可供遊客補給糧水，惟均已「拉閘」，只剩數名假日重返東平洲故居的原居民聚集在士多門口閒聊，非常冷清。
其中一間開業逾五十年的士多老闆周小姐表示，自去年十二月「中國香港世界地質公園」開幕後，食環署、消防處、稅務局、牌照事務處等政府部門突然展開密集式「冚檔」行動，「佢哋個幾月又嚟一次，話我哋冇拎牌，唔畀我哋賣嘢同出租度假屋，清明先嚟過一次，依家真係唔敢開檔！」
事實上，十年前三間士多的東主均曾向食環署申請食肆牌照，惟東平洲屬「百無荒島」，無水無電無通訊設備，並不符合發牌條件。居民曾向部門交涉，要求政府因應島上特別情況發出食肆牌照，「政府建議我哋自己喺市區買蒸餾水入嚟，但佢哋有冇考慮過成本同運輸？」
另一士多東主黎先生指，經營士多的原居民早已搬到市區，各有正職，周末及公眾假期才會返回故居。
三口家千元包船逃
與士多東主訪問期間，適逢午飯時間，每個經過士多的遊客飢腸轆轆。黎表示，曾有一家三口上岸後，同行的三歲小童難抵肚餓，父母惟有花費逾千元包船離開，「其實我哋見到啲遊客咁都唔好受，但真係冇計。」
遊客賴先生以為士多一如以往提供熟食，故只帶有食水，「好肚餓呀，依家都唔知點算，要等到五點幾先有船走。」經常到東平洲露營的楊先生則指，東平洲交通不便，星期六及日分別只有一班船離開，士多倒閉，遊客便需要捱餓至黃昏。
期間有遊客口渴難耐，要到島上唯一警崗求助，記者在警崗短短半小時，先後已有逾九名遊客求助，警員甚至要出動私伙乾糧「打救」。雖然碼頭有告示提醒遊客士多暫停服務，但遊客直斥：「咁細邊睇到呀，仲要淨係貼係東平洲碼頭，上到岸先知，點樣買水同嘢食呀？」
東平洲島上配套設施不足，令旅客怨聲載道，旅遊業議會主席胡兆英擔心，會影響本港旅業聲譽，促請當局改善問題，「始終係旅遊區，基本嘅水、汽水、三文治等嘅現成貨品都應該要有得賣。」
圖：關萬亨
文：溫盈盈、李子輝