煙蒂箱冒煙擾人
趙小姐發現，設於街上的煙蒂箱經常「烽煙四起」，令途人無辜吸入二手煙，質疑食物環境衞生署設計不善，「有時行行下街突然聞到陣好濃嘅煙味，原來就係附近有煙蒂箱出煙，其實食環署係咪應該諗下改善下個設計？」
食環署發言人表示，轄下煙蒂箱設有擦煙刮供市民捻熄煙蒂，避免未熄滅之煙蒂在箱內燃燒而冒煙，惟發言人承認，如煙蒂箱內有廢屑，則可能會被未熄滅之煙蒂燃點而導致冒煙情況，會提醒職員加緊留意及處理。
「淨係加緊清理根本解決唔到個問題，應該諗多啲方法，例如喺煙蒂箱入面裝少少水，等啲煙頭易啲熄，又或者可以改下個蓋嘅設計！」趙小姐坦言不滿食環署回覆，認為署方應考慮從煙蒂箱設計入手改善問題，而非單靠加緊清理。