渡海濠情：靚女無懼 豪門夢碎
日前有單新聞，話有名美女因為同有錢男朋友臨近結婚前分手，搞到佢嫁入豪門夢碎，最後更搞到要生要死，嚟自利澳水療嘅千穩，就呼籲姊妹們要堅強啲，同男朋友分手唔係乜嘢大問題，千祈咪諗埋一便，講得咁有權威，唔通阿妹係過來人？
易嚟易去
千穩話：「我真係曾有機會嫁入豪門，做少奶奶長歎，但後嚟分手，最衰都係自己三心兩意，竟然臨結婚前一個星期，至愛上另一個男仔，激到男朋友要同我終止婚約，我呢個前男友，爸爸係做大生意嘅，而且只得佢一粒仔，單係佢自己嘅身家都過千萬，所以事後好多朋友都話我傻，但愛情嚟到，邊理得咁多。」咁你個新男朋友又點呀？千穩話：「唔好提！閃電嚟，閃電去，一個月唔夠就分手，但我都冇怪佢，因為我覺得嫁人，唔係計較對方有冇錢，而係要睇自己有幾深愛對方。」
愛情偉大
睇嚟千穩都幾有腦，問佢點同有錢男朋友相處？千穩話：「好多人以為富家子就不可一世，其實係大錯特錯，真正嘅富家子，好多都知書識禮，反而一啲暴發戶嘅第二代，就冇咁好修養，所以要嫁有錢人，要打探清楚，父輩係暴發戶定係真正實業家。」呢點真係好重要，睇嚟千穩真係好有心得，但佢會唔會做人二奶呢？千穩話：「好難講，因為我相信愛情，如果我愛嘅男人出現，但佢已經結婚，咁我唔排除做第三者，希望可以留喺佢身邊。」真係偉大呀！男人得一千穩，真係死而無憾。
千穩Profile
年齡：22歲
三圍：34-25-35
撰文：小德
攝影：阿德