候任特首梁振英（CY）上月就西九比賽漏報利益一事到立法會作供時，仲係特首候選人，但嚟緊星期六（廿一日）佢就會以候任特首身份出席委員會聆訊。委員會主席葉國謙尋日就聲大大話無論過去、現在同將來嘅特首到立法會，議員一樣唔會手軟喎。佢講得無錯，建制派議員唔手軟，弊在腳軟呢，大家有眼見，全城怒吼煲呔曾貪盡海陸空，建制派連出動特權法徹查都唔敢，講出嚟都被人笑啦！
