梁劉柔芬護短 終須道歉
【本報訊】昨日在立法會發言的公務員團體代表及立法會議員，絕大部分都對「貪曾」大肆抨擊，唯獨平日較少發言的經濟動力議員梁劉柔芬，卻忽然「扯火」反責批評曾蔭權的人士「滿口仁義道德」，不停向曾蔭權「落井下石」。有關言論惹來出席的公務員不齒，反駁：「我哋係低級打工仔，今日咁早嚟開會，落井下石對我有咩好處？」梁太最後須為失言公開道歉，澄清自己無意指控在席的公務員。
昨日會議尾聲，到議員回應公務員團體發言時，梁太一口氣發言逾十分鐘，反批在場人士不應向曾蔭權「落井下石」，她說：「係咪有人低過自己，就要踩到佢死？人在做，天在看」，「滿口仁義道德，企喺道德高地，但自己背後嘅嘢，係咪可以公諸於世呢？」梁太發言期間，目光直視在場公務員團體，態度儼如向他們訓話。
公僕代表：我哋只求公道
梁劉柔芬的言論引起多名在席公務員不滿，政府公務僱員總工會公關主任蕭潔貞反駁，自己作為低級公務員，無政治需要打擊曾蔭權，相反若他們犯上曾蔭權的罪行，「已經永不超生」，「我哋咁早嚟開會，只求一個公道！」公務員工會聯合會主席劉錦耀更諷刺說：「如果三十年前投身梁太旗下就好，佢係『好』僱主，咁都容忍到。」最後梁太有感失言，即場向公務員道歉，「我唔係話你哋每一位，如果令大家唔舒服，我對唔住，我唔係咁嘅意思。」