公務員團體代表對貪曾批評
公務員工會聯合會主席劉錦耀 曾蔭權係咪有免死金牌，唔受防止賄賂條例監控？佢話公務員要比白紙更白，佢自己完全做唔到囉。
職工盟公務事務委員會召集人林仲銘 地政署同新界鄉紳食完大閘蟹，收番青蟹錢可以嗎？食環署職員同阻街商販飲茶食飯，然後畀番canteen（茶餐廳）錢得嘛？
食物環境衞生管理級職員工會主席何偉明 發生呢件事後，我哋前線員工遇上市民質詢，都唔知點答，完全打擊公務員士氣，對心理壓力造成影響。
小販管理主任工會會長黃嘉友 我哋感到震驚、氣餒、無奈。奉行咁多年嘅廉潔制度，最高負責人竟然無視。我哋受感情傷害，唔知何年何日先有一劑良藥醫番好！
教育工作人員總工會會長余綺華 現時情況好似阿爸一路食煙，一路教個仔唔好食煙，經常遲到嘅老師叫學生唔好遲到。幾粒老鼠屎整壞一煲粥，唔可以畀曾蔭權蒙混過關。
華員會總司庫張志輝 公務員士氣無受影響，但行政長官作為最高領導人，規範公務員嘅標準，都應該適用喺佢身上。