諸葛紫岐：「我好識得搵方法減壓，例如去旅行、做spa或者食甜品，總之盡量釋放自己嘅負能量，同埋諗多啲正面嘅嘢。」
江若琳：「我覺得自己都算係開心，因為我份人都幾知足。力抗痛苦嘅妙方，我覺得係唔好太執着。」
曾志偉：「開心最緊要係凡事放開，凡事都要睇開啲，唔好咁執着。寄望新政府可以改善香港人依家嘅生活。」
苗僑偉：「人總有開心唔開心嘅時候，我身邊就好多快樂嘅人，其實想自己開心就要睇得開，唔好畀太大壓力自己。」
