大圍乏單車位 運署漠視
單車泊架不足，市民被「迫」違泊！居於大圍的林女士指出，區內合法單車泊位一直不足，曾多次要求運輸署於大圍道及村南道增設單車泊架不果，令上址一帶違泊單車愈見愈多，「好多居民要求過增加單車泊位，但係運輸署都唔理，搞到啲街坊要違泊！」
運輸署發言人表示，大圍道及村南道現時設有約一百個單車停泊位，而大圍道一帶人流較為集中，交通繁忙，加上行車路及行人路空間有限，已沒有加設單車架的空間。
「成個大圍咁多地方，如果要搵地方冇理由冇，事在人為啫！」沙田區區議員鄧永昌狠批運輸署未有積極「落區」巡視，認為可在其他適當地方，如大圍街市後方增設單車泊位，方便使用者之餘，亦可回應市民訴求。