飲食業請人難 老闆親自洗碗
【專案組報道】去年五月一日實施最低工資，打工仔薪酬有保障，惟飲食業僱主卻面臨請人難困境。因員工人工暴升，加上飲食業工時長，且要企要捱，不再受打工仔垂青。行內近月出現缺人潮，有食店因請不到人，停業已經一個月，每日白蝕租金；亦有食店因無人清潔碗碟，老闆要摺起衫袖洗碗；更有食店在時薪急升下，要將店舖結業。
實施最低工資唔憂做
「我用八千四百蚊月薪請洗碗工，但大半個月都請唔到人洗碗。」華星冰室股東彭懷安表示，為了做生意，只好親自落場洗碗。
他稱，請不到人，與實施最低工資有關，低技術的打工仔選擇增多，跳槽容易，「應徵者唔憂做，見工好似嚟買樓咁，要睇清楚工作環境才肯試工。」
旺角鐵板超純和風日本料理店董事盧有芬亦稱，自最低工資推行後，拉高全行職位的薪金，她更深切體會人手短缺的壓力︰「就算時薪去到四十至五十蚊，都請唔到人做廚。」因請不到廚師，人手短缺影響餐廳生意，她被迫將開業已十年的店舖結業。
在元朗開業六年，去年於附近開分店的薪意燒烤專門店負責人賴先生說，因請不到店務員，新店上月開始被迫停業，白交租金已一個月。
他說，「最低工資實施後，依家做看更，淨係坐喺度都有成萬蚊，我呢份工要企，啲人咪話辛苦囉，我已經來者不拒但都無用。」
香港餐飲聯業協會會長黃家和直言，受最低工資影響，飲食業已被視為辛苦工，出現請人難情況。「後生仔見細嘅食肆無前途，唔願做，上咗年紀嘅就有保安員等其他工種選擇，所以依家面對青黃不接，服務質素下降嘅情況。」