投票人心聲
吳小姐（大學生）「選舉有太多抹黑行為，覺得三個候選人中梁振英比較務實，肯求變，可能會為香港帶來轉機，不過都擔心佢打壓言論。」
吳先生（會計界）「原本唔知今日投票，睇到《東方日報》先特登嚟排隊投票，即使冇實際作用都希望發聲畀中央知道，希望新特首可以多關注民生。」
李女士（從商）「我好政治冷感，平時好少投票，但今次見到民間選舉都畀黑客入侵干預，點都要行出嚟投票發聲，同教八歲兒子要爭取普選。」
梁同學（港大副學士生）「尋晚排隊等好耐都投唔到，所以今日再投。好不滿中央出手搞局，我會投畀何俊仁或者投白票。」
林婆婆（八十九歲）「我特登由土瓜灣嚟投票。今次係第一次嚟理工大學，出嚟投票都係為下一代好。」