領匯街市磚跣人

自從半年前發生意外後，丁女士每次甫踏入長亨街市，即會步步驚心。丁於去年八月受僱於凍肉檔，惟上班未幾即被店外的光滑地磚「跣倒」受傷，「返咗工得嗰兩、三日就喺舖頭出面跣親，成隻腳腫到豬蹄咁，差唔多成個月先消腫！」丁坦言早已磨得光滑的地磚一日尚未更換，心理上仍存陰影，終日忐忑不安。

年來近廿街坊中招

「唔單只我啲伙計跣過，大肚婆、老人家都係咁，都唔知有幾多人中過招，唔明點解啲磚磨蝕晒都仲唔換？」丁女士的僱主樊先生屈指一算，指年來最少目睹近廿名街坊被濕滑地磚跣倒，部分有如「撻生魚」般跌在地上，場面既尷尬又危險。樊有感事態嚴重，曾多次向領匯反映，惜一直不得要領，「次次見到有人跣親都同領匯講，但講咗成年（領匯）都冇做過嘢！」不過，領匯發言人卻指早有計劃更換長亨街市損耗較嚴重的地磚，預計工程可於今年三月底前竣工，並強調街市內貼有告示，提醒顧客行經時須加倍留神，而駐場主任及保安亦會定時巡邏，確保街市設施及運作一切正常。至於在街市範圍因滑倒而受傷、及過去接獲的投訴數字，發言人則未有提供。

地磚坑紋磨蝕已久，光滑表面防滑功 能盡失。	凍肉販丁女士去年於店外被濕滑地磚跣倒後，腳跟位置腫如豬蹄，陰影至今猶在。	林立志不滿領匯只局部更換街巿地磚，認為無法保障居民安全。

局部更換未能根治

「街市開咗廿幾年都未換過地磚，今次肯換都只係針對一兩個跣人嘅黑點，換得嗰十塊八塊，有乜用？」當區區議員林立志不滿領匯只針對「黑點」局部更換地磚，直指「頭痛醫頭」的處事方式無法解除居民之安全威脅。林又認為，倘領匯拒絕為街市全面更換地磚，亦須將更換範圍擴展至整個濕貨區，以保障街市使用者。

領匯監察發言人陳寶瑩批評領匯罔顧用家安危，拒絕翻新舊街市，不負責任，「領匯只係為賺錢，比着喺其他可以升值嘅街市，就算冇乜人用都已經裝修咗！」陳直指管理及維修轄下街市為業主責任，要求領匯盡快全面更換耗損地磚。

記者：黃芷君、攝影：陳倩儀