禮賓府抬頭見喜，咁正？貪曾貪盡海陸空後，再被指與江湖猛人合照，如果咁仲有運行，抬頭喜見生機勃勃的一汪綠似的喜，懸掛在樹梢上？咁就真係天冇眼喇！
之不過，今趟禮賓府抬頭見喜——係貪鳩死在禮賓府！原來上天真係有眼架！玄學家指「鳩」係慵懶和貪心之鳥，從堪輿角度去睇，斑鳩死喺屋內，代表大事不妙。
玄學大師講得好白好啱聽，「鵲巢鳩佔」，正因為斑鳩貪心，趕走喜鵲，仲霸埋人哋個巢，貪心到剩番啲富貴朋友，今斑鳩死在禮賓府，正意味喜鵲可以回巢。老朽但願未來新主人，即係新一屆行政長官，切勿再以「過客」心態入住「禮賓府」，自己要識做「孖士打」，更重要係分清人鬼，嚴格遵守「愛國者治港」的原則。
老朽絕對相信，有善意的人，才會有善意的城市。有本叫《善意的力量》的暢銷書指出：善意是你所聽過最強悍的兩個字，它意味着以思慮清晰的信心向前邁進，而這股信心來自於了解「親近善意，且將別人的需求和自己的需求視為同等重要」，這想法將讓你得到渴望的一切。
管治之道是要有善意的心，好似貪曾咁舔到盡只為己，正是本報「正論」所指嘅「餘孽篡逆臥七年」。勾踐臥薪嘗膽，「十年生聚十年教訓」為復國，貪曾之「臥」七年，只為己利而舔到最後一秒，食相太難看，天降死鳩，盡在不言中矣！