祥華邨遊樂場 爛墊唔修
兒童遊樂場地面不平，易成幼兒陷阱！粉嶺祥華邨居民李先生不時與孫女到邨內商場平台遊玩，近日卻發現遊樂場地面有多處凹凸不平，久未見管理公司派員維修，「呢度成日咁多小朋友嚟玩，個地凹凹凸凸，容乜易跌親？」李又指上址毗連保安更亭，不滿管理公司對場地損壞視而不見，「啲職員唔使巡，平日只要行過都會見到笪地爛咗，有乜理由咁都睇唔到？」
負責管理上址的佳定物業管理有限公司發言人稱，去年四月曾更換數塊遊樂場地墊，過去一年並未有接獲地面凹凸不平的投訴。不過，發言人又承認，接獲本報轉介後曾派員巡查，發現地墊表面有損耗，已聯絡生產商了解及檢查。
「唔投訴都唔去巡，今時今日咁嘅服務態度點得㗎，係咪要等有人受傷先做嘢？」李先生坦言對管理公司的後知後覺深感不滿，促盡快修理。