血病阿鉅 亟需藥費續命

「我冇咩諗，淨係想睇到啲仔女健康長大，讀書叻啲……」五十四歲的阿鉅為家庭經濟支柱，一直靠任職運輸工人獨力養活一家五口，生活尚算美滿。然而，自○三年工作期間突然暈倒後，即證實患上「骨髓異常增生綜合症」（慢性血科腫瘤病）及肝炎，未幾阿鉅更因經常請假接受輸血而遭公司辭退，「大女細細個就有智障，仲要係咁做手術，個細仔又只係得歲幾大，嗰陣真係好困難！」

每晚捱針10小時 苦不堪言

阿鉅於耗盡積蓄後須靠綜援金過活，並特別租住元朗八鄉偏遠村屋以節省開支，妻子阿珍每日料理家務外還需照顧父女二人，致身心俱疲。為控制病情，阿鉅每隔三星期便須到醫院輸血三包，並須每晚於肚上插上「去鐵針」十小時，利用藥物清除頻頻輸血帶來的額外鐵質。

縱使歲月難熬，阿鉅仍堅持每日指導子女完成課業，猶幸子女均未有辜負父親厚望，就讀中一的次女最近便考獲全級第三，至於就讀小四的三子則獲全級第九，「我病咗咁耐都冇同過佢哋出街，佢哋咁乖，真係好想一家人一齊出去玩吓！」可惜病情卻一直未見好轉，令願望遲遲未能實現，「醫生話個病可能會變成血癌，叫我快啲用藥，但啲自費化療藥一個月成四萬幾，咁貴邊負擔得到？」

屯門醫院發言人證實，病人確診患上「骨髓異常增生綜合症」，同時亦患有「全血球減少症」及「丙型肝炎」。病人獲建議使用自費化療藥物「阿紮胞苷」（Azacitidine）治療，每月費用約為四萬七千元。一般療程約八至十五個月，總治療費或高達七十萬元，但醫生仍需按病人實際反應決定用藥詳情。捐款編號：12225

記者 林松澧、阮佩君