煲呔曾因為貪盡海陸空醜聞已成為過街老鼠，人人喊打，全國人大常委范徐麗泰尋日會見國家領導人時，就即場告煲呔曾一狀。范太話，作為高官嘅人，就算好似一條錦鯉咁要畀人日夜注視，都係好正常，因為要增加透明度，接受人民監督。至於點解諗到用錦鯉形容特首，范太話有次去髮廊洗頭，見到人哋個魚缸有感而發喎，雖然佢話唔係影射煲呔曾，但就同煲呔曾鍾意養錦鯉嘅實況完全脗合喎。
