議員轟安老措施假大空

【本報訊】五千多名長者去年在輪候安老院宿位期間「等到死」,情況惹來多名立法會議員狠批。有議員斥責政府安老措施「假、大、空」,「你話一路加緊位,但有幾千人等到死,即係搵數字、搵官腔嚟呃人」。有議員亦直斥,若政府每年增撥六億多元撥款,五年內已可消滅輪候安老院舍的人龍。不過勞工及福利局局長張建宗指,有三成一獲分配宿位的長者,因不欲入住買位院舍而拒絕接受編配。

立法會財務委員會昨討論有關財政預算案開支,議員黃毓民批評,市民納稅是希望政府好好照顧長者,但當局只一直表示在增加宿位,卻未能滿足長者需要,揶揄「你咁嘅諗法即係長者都要死啦」。議員梁家傑亦認為,當局目前的政策令人失望,質疑政府「係咪話估唔到長者要等幾耐先入到院,就唔做嘢」,直言當局只要增加撥款以提供更多宿位,便可解決長時間輪候的情況。另外,他又建議當局設立資料庫,識別N無人士以提供適切協助。

就業交津行政費過高

議員李卓人則不滿鼓勵就業交通津貼行政費高達五成,而計劃本月開始放寬,但申請人需待十月才獲一次過發放半年津貼,直指「寧願使呢啲冤枉錢去行政費度,都唔即刻畀錢啲申請人」,做法不合理。

張建宗稱目前分別有九成四及九成九輪候入住護養院及護理安老院的長者,均對院舍有指定要求,另有三成一長者獲分配院舍後拒絕接受安排。他指,如長者沒有指定的院舍要求只需輪候約八個月,如肯入住買位院舍,約一個月已可獲安排宿位。他又指,當局會考慮透過申請交通津貼或食物銀行的人士資料,作為識別N無人士的途徑。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報