影視處執法不力捱轟
「全香港有幾百個淫審員，每人每年先去得兩、三次，參與得咁少，起碼要五、六年先熟習，上到手都要成九年，到時又唔使佢做﹗」前淫審處審裁員兼執業大律師龔靜儀認為限制審裁員任期，只會影響審裁及評級結果，變相「放生」不良傳媒。
她又批評影視處執法不力，作出選擇性票控，令不良傳媒肆無忌憚發布不雅物品。
另一淫審員許德亮則指，現時評級制度不合時宜，「依家分咗三級，如果嗰件物品超越第一級，唔啱細路仔睇，但又未嚴重到評為第二類物品，一向做法都會係評為第一級，咁樣令到傳媒刊登咗性感照片都冇事。」他指，當局應該改革評級制度，增設評級，對意識不良的資訊作出規範。