花圃多餘告示 混淆市民
屯門友愛邨居民簡小姐日前出外散步期間，發現毗連愛禮樓的皇珠路交匯處橋底設有花圃，花圃外圍展示一個由康樂及文化事務署豎立之「請勿攜犬入內」告示，並未攜犬的簡小姐遂擬入內賞花，但幾經探視仍不見入口，令簡大為困惑，「個牌話唔畀帶狗入去，咁即係人可以入去啦，點知竟然冇入口，穿過啲花之後淨係得啲雜物垃圾，咁其實呢個係咪公園嚟o架？」
本報於一月三十一日就上述事件向康文署查詢，惟事隔逾月，康文署於截稿前仍未有回覆。
「以我所知嗰個只係一個花圃，而唔准帶狗入去呢類指示牌要公園先有，唔怪得居民會誤會，唔加（指示牌）咪冇事囉！」當區區議員陳雲生估計，花圃附近有狗公園，當局因擔心居民誤闖花圃蹓狗才加設指示，但相關設置易產生混淆，促作修正。