政情：吳文華臨離任是非多

查實延長退休年齡至六十二歲，又點會益到Pauline呢？佢已經講好咗今年九月約滿離任，接任安排如火如荼進行中，佢仲計劃好十一月去遊埠添。封投訴信又提及，Pauline○八年接任秘書長以來，唔顧職員感受，要佢哋做多好多嘢。如果返工做嘢係上司唔顧職員感受，咁可能Pauline的確唔係佢哋理想嘅波士囉。

秘書處回應話，現時秘書處職員嘅退休年齡為六十歲，而該次職員諮詢委員會就通過，將秘書處所有職員嘅退休年齡延長兩年，但大前提係要唔妨礙其他人嘅晉升機會，更重要係，延任安排根本不適用於秘書長。