市民哀歌 豈容再錯
「曾蔭權，要下台！呢個教徒好見證！做錯事，使乜認，恃住有人撐你台，無人夠膽掟石頭！香港到底搞邊科、上主係咪瞓着咗？香港市民嘅哀歌，豈容長官一錯再錯！」唸咒之聲昨日於遮打花園此起彼落，帶領約三十名教友前來遊行的基督路小教會堂主任張大衛稱，社會太多不公義，曾蔭權不誠實的行為已觸怒不少教徒，因此昨日特意前來聲討他，雖然未能打小人，但仍可以聖經中字句發洩怒火。
他亦不認同湯漢樞機所講曾蔭權真誠的言論，「湯漢話如果任何人無做錯事先可以批判，佢呢個言論係唔合理，因為佢係特首，代表着權力同彰顯公義，要求比一般人更高，偏偏佢做唔到，所以需要接受批判。」