梁小姐早前乘搭九巴271線，於聯合道分站下車期間，疑車長過早關上車門，右腳登時被夾個正着，更因此失去重心仆倒受傷，「我一隻腳踏緊落車，佢已經急住閂門，我咁後生都走唔切，如果係老人家都唔知點算！」梁又指車長雖獲悉乘客受傷，卻視若無睹，「個車長喺倒後鏡見我仆親都冇反應，一見到我自己企番起身仲即刻開車走，真係離晒譜！」
九巴發言人即時就事件致歉，又指接獲投訴後已約見該名車長，就其駕駛態度及表現作出指導，並會緊密監察其表現，若未如理想將予以紀律處分。
民間監管公共事業聯會發言人蔡耀昌直指事件反映車長安全意識不足，建議九巴對職員發出明確指引，就意外事故作適當應對，「連扶吓事主、慰問兩句都冇，九巴真係要認真檢討吓對員工嘅訓練！」蔡又提醒巿民遇上類似情況，須記下涉事車輛車牌，以便保留投訴甚至民事索償權利。ireport_00028524