自由黨為撐唐英年，率先拎六十幾張提名表格去唐辦，點知唐英年啲醜聞愈搞愈大，為免波及自由黨喺九月立法會嘅選情，自由黨田北俊不惜同唐英年劃清界線，準備同唐唐各行各路。田少話，依家有好多人頂唔順唐英年做特首，又話自由黨最終會以大局為重，依民意投票。當初自由黨提名唐英年時，講過民意並唔係佢哋主要嘅考慮，不過醜聞愈搞愈大，唔考慮都唔得喇。
