毓民回敬：大佬！頂爺！

曾蔭權公然敗走江湖派對，昨日全城議論紛紛，曾被曾蔭權公然誣衊的黃毓民直斥，曾蔭權的行為令人震驚，因他身為特首未能準確拿捏作為特首的分寸，行為不符特首身份。黃毓民坦言，對曾蔭權赴澳門參與相關活動百思不得其解。

質疑違公務員守則

另一人民力量議員陳偉業決定在議會作出追究，申請在明天的立法會會議上，就曾蔭權敗走事件提出緊急質詢，他表示，敗走事件問題嚴重，質疑曾蔭權帶頭違反公務員守則，做出令政府聲譽受損的事。

陳偉業申請在明天立法會會議上提出緊急質詢。

黃毓民揶揄曾蔭權為「大佬、頂爺」。（資料圖片）

立法會其他黨派也要求曾蔭權作出交代。民主黨副主席劉慧卿指，昨日已聯絡特首辦主任梁卓偉，要求曾蔭權公開交代出席江湖派對的原因。她強調，身為特首並無私人身份，曾蔭權有必要交代被傳媒拍到出席派對後立即尷尬地起身走人的原因，「係咪有啲嘢唔想畀人知？」同時也要澄清當局沒有公布曾蔭權離港期間的署任安排。

利小姐（零售業）	鄭先生（社工系大專生）	霍小姐（文職）
鄭先生（傳理系大學生）

應該公開活動性質

勞聯立法會議員李鳳英︰「依家公眾對件事都唔掌握，好似佢（曾蔭權）點解會去？用咩身份去咁？大家都想知道，我覺得佢應該出來交代事件。不過，無論如何，作為一位特首，佢都唔應該去嗰啲地方，以免瓜田李下，引人誤會。」工聯會立法會議員葉偉明︰「究竟嗰活動係咪屬於私人聚會，如果係朋友邀請，曾生（蔭權）又點解要走得咁急呢？相信呢啲問題要由曾生自己答番先得啦！」

為老不尊 教壞社會

全國政協委員劉夢熊狠批曾蔭權「為老不尊，教壞社會」，質問對方藉此向社會傳遞甚麼訊息。他形容，出席江湖派對均是「三山五嶽」人士，曾蔭權與他們歡聚一堂，是否沒有是非判斷之心，甚至令人感覺「上樑不正下樑歪」，故他促請曾蔭權要對本身身份自重︰「究竟曾生想傳遞甚麼訊息呢？本港的法治精神係咪都唔要，同時又反映甚麼價值觀呢？」

劉夢熊狠批曾蔭權「為老不尊，教壞社會」。	劉慧卿要求特首辦交代曾蔭權出席江湖派對的原因。	李鳳英直指曾蔭權作為特首，應避瓜田李下。（袁志豪攝）

不過，政制及內地事務局局長譚志源被問到曾蔭權行為有否影響政府聲譽時，推說這方面應該由特首辦主任回應，又指司局長的署任安排，視乎司局長離港時間，暗示若司局長能在短時間內返港，離港期間又不是執行公務，便未必有署任安排。

市民狂插

利小姐（零售業）

「曾蔭權當然唔適合去（賭場春茗），佢係公眾人物，應該注意形象，呢種地方好敏感。我自己喺澳門做過兩年嘢，知道澳門嘅老師、社工、公務員呢啲有正面形象嘅人都唔可以去賭場，甚至一個人企喺賭場外圍都要避免。曾蔭權應該要盡快同市民交代。」

鄭先生（社工系大專生）

「作為特首唔應該去有江湖人士嘅地方，會令市民擔心涉及利益問題，雖然佢就嚟唔做（卸任），但佢一日在位都要注意自己身份，明顯因為就快卸任而鬆懈咗，根本無『做好呢份工！』」

霍小姐（文職）

「政治上呢類有江湖人士嘅場合好敏感，正如休班警察去私人活動見到江湖人物都要識避忌啦，何況佢係特首！見到記者就避鏡頭，快離場，明顯佢自己都覺得唔啱。我覺得佢要避免出席呢類場合，另外要向市民解釋點解佢會出席。」

鄭先生（傳理系大學生）

「特首係代表香港市民，無必要去呢類有江湖人士嘅場合，會影響特首形象。雖然唔擔心佢會同江湖人士有交往，但都要向市民公開交代清楚，佢出席嘅原因同埋動機。」