康文署唔鎖欄杆易招賊
金屬有價，令金屬製的公用設施頓成竊賊目標！居於屯門的吳小姐習慣每晚取道屯門公園歸家，近日發現屯門文娛廣場行人天橋出入口一列鐵欄杆並無上鎖，更可輕易提起，「欄杆腳有個鎖位，驟眼睇好似鎖咗咁，但睇真啲其實冇鎖到，好容易成個拎起，依家連渠蓋都有人偷，明明有鎖都唔鎖，政府都幾冇危機意識喎！」
康文署發言人解釋，為避免市民將手推車或單車等帶進公園，上述欄杆平日均會上鎖。由於屯門文娛廣場近月相繼舉行多項大型活動，並裝置節日燈飾及擺設，職員經常利用屯門公園該兩個出入口運送物品，因而將欄杆鎖暫時移除。發言人續稱，接獲轉介後已訓示職員，每當完成運送工作後，必須將欄杆上鎖，並會繼續留意該公園出入口管理情況，有需要時會採取適當跟進措施。