限制立法會議員辭職補選嘅「出缺機制」新方案，依然受到各方批評，大律師公會尋日就發表聲明，批評機制違反《基本法》，剝奪選民嘅投票選擇權。不過，政制及內地事務局局長譚志源就繼續死撐話，雖然方案限制議員嘅參選權，但無剝奪市民嘅投票權喎，難為佢講得出口。當局始終唔明白，就算議員辭職再參選係浪費公帑，都係由選民投票決定係咪再選有關議員，並唔係政府去限制議員參選嘅。
