政情：方剛睇死自駕遊

方剛同我哋講，自己好早就攞到中港車牌，以前偶爾都會自行揸車返深圳打高爾夫球，但佢揸咗幾次之後就覺得怕怕，尤其喺進出小路同停車場，揸慣右軚車嘅香港人好容易轉錯彎或望錯邊，一唔小心就會發生意外。依家佢請私人司機，都特登請個揸過中港貨車嘅，咁就萬無一失。

方剛又話依家中港兩地嘅集體交通運輸非常方便，相信自駕遊推出後申請嘅港人非常少，最後只有內地人申請來港，對香港絕對唔划算。