屋邨喉管傳臭居民難頂
公共屋邨喉管傳出臭味，惹起居民不滿。陳先生（化名）指葵盛東邨盛強樓外牆排污渠近期頻頻傳出臭味，令環境衞生大受影響，情況尤以晚間用水的繁忙時間最為嚴重，「啲味真係好難頂，依家我用咗啲膠袋笠住佢（喉管）先，希望冇咁臭！」
負責管理葵盛東邨的嘉怡物業管理公司發言人指出，接獲轉介後已派員前往檢查，調查期間並未發現有臭味傳出。為釋除住戶疑慮，已安排更換有關外牆排污渠的吸氣閥，確保運作正常。
「房署成日都係等到有人投訴先去理，冇人出聲就唔理！」葵青區區議員周偉雄認為，房署應就事件主動檢查，避免住戶受臭味滋擾。長遠而言，應考慮改用其他更耐用的吸氣閥，防止吸氣閥內銅片因氧化而傳出臭味。