特首參選人唐英年尋日再次就九龍塘大宅僭建巨型地庫醜聞解畫，就自己「冇及時更正嘅疏忽」道歉，但死撐冇心隱瞞或向屋宇署提供虛假圖則。有記者問佢點解拖到尋日先至道歉，唐唐居然連自己前日已經道過歉都唔記得，最後要公關提場，真係醜死人！
佢之後仲扮晒風趣話：「可能尋日我唔係揸住張紙嚟讀啦！」冇張貓紙傍身就乜都唔記得、乜都講到亂晒龍，畀佢做咗特首就大鑊喇！
