呢位議員司機怒呻，平時啲議員要八點半返到立法會開會，佢哋就要六點幾起身，洗乾淨、執番靚架車等議員上車。車完議員去立法會，有時又要服侍埋議員啲親朋戚友，管接管送不在話下，有司機仲試過車議員嘅秘書返內地買碟睇都有，認真離譜！到咗食晏時間，司機又要車議員去食飯，自己就一邊看住架車、一邊捱麵包，一個唔好彩被抄牌，又要自己啃咗張牛肉乾，箇中辛酸真係不足為外人道。
呢位司機到底幫邊個議員揸車？佢當然唔講，但佢透露幫建制派議員揸車嘅，好多都好辛酸，而且佢仲話議員「愈有錢愈孤寒」，咁究竟邊啲中晒上述條件，相信呼之欲出喇。