滲水辦亂龍 拖苦主三年
單位滲漏三年未解決，滲水辦被轟辦事不力！有居屋業主受滲水困擾多年，因負責跟進的滲水辦職員離職而無人處理，苦主於三年間多次聯絡不果，直至本報轉介下，滲水辦才急急補鑊重新展開調查。立法會議員直指滲水辦內部行政混亂，即使屢受批評，亦絲毫未見改善，要求政府正視問題。
入牆電線浸到霉晒
居於大埔景雅苑的龐小姐自○八年起已發現單位滲水，廚房與浴室天花石屎受影響而剝落，更波及電箱，「試過幾次跳fuse（保險絲），搞到成間屋冇晒電，搵人嚟睇先知入牆線畀啲水浸到霉晒！」鑑於滲水情況久未根治，又未能全面重鋪電線，龐與家人每日需面對漏電危機。
龐小姐又指，滲水辦曾派員數度實地視察，並以儀器量度天花濕度，「點知度完一輪就冇晒影」。龐曾多次聯絡滲水辦擬了解調查情況，可惜電話總是無人接聽，「試過一日打幾次，連續幾日都冇人聽！冇人聽都算，留咗言一樣冇人覆，打咗幾年只係得兩三次有人聽！」不過，即使獲職員回覆，亦無助解決問題，「佢哋只係將責任推嚟推去，話負責同事離咗職所以延誤咗，根本就係藉口！」
直至近日經本報轉介後，滲水辦始再度派員上門了解，職員並詳細解釋調查程序及進度，惟仍未能對解決問題訂下時間表。
滲水辦發言人指出，○九年初曾函覆投訴人，確認滲水源頭為其上層單位；然而，滲水辦未幾又接獲上層單位投訴，表示出現滲水情況，始證實兩個單位的滲水源頭均為與上層相鄰之單位。發言人承認，自○九年六月後因需要同時間處理大量個案，未能派員繼續跟進龐小姐的個案，職員已向當事人致歉，並承諾會盡快跟進。
議員怒斥行政混亂
「咁耐都未搞掂，一啲交代都冇，仲無端端停咗調查，乜咁樣就係政府部門應有嘅作風？」立法會房屋事務委員會委員陳淑莊怒斥滲水辦辦事效率奇低，完全不可接受，更直指事件反映滲水辦內部行政混亂，促當局須成立跨部門檢討小組，重新檢視現有架構及流程。
驗樓師詹濟南指出，一般導致滲水的出現不外乎數個原因，例如外牆滲漏、水管破損以及浴缸滲水等等，每個原因均有相應方法作檢驗及確認，理論上只需花費數天甚至數小時便可揪出滲水根源。詹又說，由於調查往往涉及不同部門與業主，只要有任何協調失誤即易造成拖延，建議部門與業主應加強溝通及合作，以盡快解決問題。
記者 朱廣華