財政司司長曾俊華份預算案畀各界鬧爆，但佢無論係去記者會抑或上電台節目解畫時，都好自豪話呢份預算案用咗好多錢，令好多人受惠，點解佢可以咁自我感覺良好呢？中文大學政治與行政學系副教授黃偉豪尋日一語中的，話鬍鬚曾同煲呔曾一樣，只係識玩政治化妝，最叻係喺經濟好景時推出芝麻綠豆政策，然後政策因經濟帶動而成功，佢就將功勞歸於自己。到政策唔見效時，佢又會賴香港受外圍經濟波動，好容易被影響。鬍鬚曾來來去去都係呢招，好彩有學者踢爆佢。
