政情:馮柏喬文房四寶跟身

春節啱啱過完,各地政協已陸續開會,為下月初嘅全國「兩會」熱身。江西省政協委員、金科偉業主席馮柏喬日前啟程去南昌參加省政協會議。港區人大政協每次返內地開會,行李篋內茅台酒、茶葉乜都有,馮柏喬隨身必備係乜?答案係文房四寶。

馮柏喬寫得一手好字,蒼勁有力嘅書法喺圈中出晒名,今年佢仲寫咗個生龍活虎嘅龍字印成賀年卡,連太太漢生堂藥業董事長李嘉音親自做代言人嘅廣告,都有佢嘅墨寶。

馮柏喬笑稱,以前寫書法純為個人興趣,但近年卻變成工作嘅一部分。事關佢間公司生產高磁化水器,以專利技術將食水淨化及磁化,啱晒追求健康一族嘅需求,喺東南亞、香港及內地銷量好大。經銷商經常同佢索取墨寶做成牌匾,所以即席揮毫就變成佢出差嘅必備節目。今次開完江西政協會議後,佢將順道視察內地業務。佢特製嘅私家靚毛筆,自然不能離身喇!

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能,財經資訊,實時實發!