煲呔曾呢個夕陽政府領導人，做乜都唔掂、搞乜都失敗，樣樣做唔好，唯獨沽名釣譽就最耍家，所有可以認叻嘅地方你都可以見到佢。好似尋日一年一度嘅馬拉松活動咁，呢個煲呔曾一如既往獲邀擔任起步禮主禮嘉賓，事後仲即時將現場影嘅相貼上特首辦個facebook專頁度。唔少網友睇唔過眼，即時留言諷刺佢咁得閒，不如盡力解決雙非來港產子問題好過。
好似網友Jony Ho就話：「曾蔭權真係得閒，有時間幫私人機構活動做嘉賓，冇時間處理雙非問題。」Nanako Cheung：「雙非闖關衝急症室每分每秒舉行，起步禮由特區政府唔做好呢份工開始，有助吸引更多遊客到訪。」網友Dicky Wong一語中的點出煲呔曾嘅荒謬：「特狗政府搞嘅『全天候無差別雙非搶閘衝關自由任我行活動』咪仲盛大，仲踴躍?!趁未換屆，煲呔去邊境關卡、醫院急症室主持起步禮啦，大把雙非大肚婆等住參加！」所以話，網民嘅分析永遠係咁獨到。