反中亂港有運行，呢啲早就唔係乜嘢新聞，奇就奇在行完一次又一次，咁就唔到你唔服。嗱，淫賤黎又有運行喇。
今次行乜嘢運？係咁嘅，壹淫媒旗下台灣壹電視製作嘅一套台劇《拜金女王》，舊年六月喺台灣首播時，唔少內地視頻網站亦同步播放，直至七月中播放至第四集時，內地國家廣電總局先至下令禁播。搞笑嘅係，有人不斷改劇名，搞到一套劇有三個中文名，企圖混淆視線，暗度陳倉，但仍然過唔到骨，被內地全面封殺。
正所謂，道不同不相為謀，內地禁止壹淫媒不良劇集荼毒神州，本來係理所當然，點知當局禁啲唔禁啲，依家仲可以輕易喺市面買到該劇嘅ＤＶＤ，證明禁播令根本係掩人耳目。更離譜嘅係，壹電視製作嘅另一套台劇《真的漢子》，由舊年十月底首播至今，唔少內地視頻網站一直與台灣同步播出，依家播到第十四集嘞，仍然冇被禁。內地規定，所有非與內地單位合作拍攝嘅劇集，一定要經廣電總局審批至可以喺內地播放，但壹淫媒嘅劇集居然如入無人之境，掂行掂過，如果話冇人刻意放生，你信唔信吖？
講到放生，其實大家都見怪不怪嘅喇。當年壹淫媒陷入財困，走投無路，中資銀行幫佢上市，中資企業送上廣告，卒之養肥咗淫賤黎。更匪夷所思嘅係，舊年珠海出版社居然替淫賤黎出咗一本自傳，為呢位與共產黨勢不兩立嘅淫媒大亨塗脂抹粉，雖然呢本書後來被內地新聞監管機構查收，並勒令全國下架，但依家市面仲有售，問你服未。
正如政協委員劉夢熊話齋，淫賤黎一向反中亂港，佢嘅自傳及劇集竟可於內地流傳，證明「賣國有獎，愛國有罪」。而全國人大代表蔡素玉更直斥，壹淫媒用盡各種方法違反國家禁令，極不要得。
其實，壹淫媒固然極不要得，而廣電總局禁一套、放生一套嘅做法同樣不要得。老實講，如果內地當局肯執法，壹淫媒又點可能咁容易登堂入室吖。講開又講，北大人敵友不分，認賊作父，對淫賤黎一向愛護有加，放生佢一啲都唔出奇。最好笑嘅係，淫賤黎政治上擺明同共產黨勢不兩立，但經濟上就不斷吼住內地市場，絞盡腦汁賺人民幣，既要做婊子，又要立貞節牌坊，你話佢嘅面皮幾厚！
講到尾始終都係呢句，「賣國有獎，愛國有罪」。你愛國家，國家愛你嗎？計功夫茶話齋，唔好咁傻咁天真喇，你想有運行，學淫賤黎反中亂港喇，包你橫行無忌，風生水起！