淋花喉水掣長開兩日，水務署公然嘥水！馮先生早前途經沙田安耀街及安明街交界，發現有淋花喉水掣並未有關上，懷疑有人於淋花後，因大意未有閂上水喉，「嗰個水喉扭到最盡，但開關掣又有個閘鎖住咗，想幫手閂都唔得，惟有眼白白望着啲水連續流咗兩日，真係唔知有幾多食水就咁嘥咗！」馮指一名同行友人曾致電水務署反映，可惜未獲即時處理。
水務署發言人承認，曾接獲上址有漏水報告，已派員到現場檢測，發現有淋花喉水掣未有關上後，職員已即時關掉水掣，以免造成浪費。發言人說，事後曾再到上址巡查，結果未有漏水情況發現。
「政府平時淨係識得叫人慳水，點知自己就帶頭嘥水！」馮先生要求政府加強監管員工及訂定清晰工作指引，勿再發生同類事件。