李春姬悲痛表達絕望
唐英年本月十九日大搞造勢大會，撞正北韓公布金正日死訊，當日北韓中央電視台女主播李春姬泣報金正日死訊條片，搶晒唐英年同一眾支持者嘅風頭。有網民就喺呢段經典片段配上中文字幕同相片，內容大意係話唐唐宣布參選，李春姬以無比悲痛嘅表情同聲線嚟表達佢嘅絕望，之後仲串爆唐唐嘅競選口號「We are tomorrow」，令大家喪失對明日嘅希望，並形容唐唐係「真正死蠢」。
呢段惡搞片名為「北韓就唐英年造勢大片發表沉重聲明」，上網幾日點擊率已過四千。網民惡搞不時都有，但講到以外國國家領袖死訊嚟惡搞，就好似有點兒那個囉。講到尾，咁只係反映部分市民有幾唔鍾意唐唐。