美食購物節 20萬市民掃年貨
【本報訊】通脹高企，市民紛紛趁一連四日的冬日美食嘉年華及購物節平辦年貨，開幕日吸引二十萬名市民入場，不少展商需要額外補貨。場內發現多個攤檔懷疑廉價出售質素較差海味如金山勾翅、溏心鮑魚、海參等，售價約一百元至二百元一両，並提供買一斤送三、四両吸引買家，攤檔前更有假買家「扮揀貨」，市民要小心選購。今年繼續有一蚊筍貨，在不同時段限量發售。有到場購物的市民指出，筍貨只是噱頭，場內貨品平均已較去年貴兩成，惟有多格價抵抗通脹。
80後老闆 求開心不求財
冬日購物節及美食嘉年華昨於灣仔會展舉行，逾一千五百個攤位展銷。四名八十後青年設名為好食男女的攤位售賣魚蛋、日式炒帶子。首五十名食客只需要大叫「我係為食男女！」，便可免費試食，場面惹笑。施老闆坦言對飲食業有興趣，與朋友首次「膽粗粗」合資數萬元，希望趁假期嘗試創業。「我哋唔係想搵大錢，香港人怨氣多，當大家玩吓、開心吓，煮嘢畀人食，人哋又覺得好食，呢樣係一份喜悅，就算蝕錢，當係送份聖誕禮物畀香港市民。」
佳定貿易（亞洲）有限公司推出一毫子挪威三文魚扒作招徠，兩分鐘內即被市民搶購一空。該公司的營業主任杜國檳表示，原定四天展期生意額達四十萬，每日補充貨源兩次，但銷情暢旺，需要補貨三次，由於原材料成本上漲，平均升一至兩成，蝦類更升兩成半，但於展場以八折特價散貨。
李太打算於場內消費二千多元，買海味、年糕等年貨。她去年也有到場購買，認為今年物價整體貴兩成。「冬菇每斤貴咗十幾蚊，依家拎住同樣嘅錢，都買唔到舊年咁多，惟有每樣買少啲，格多幾次價。」五十多歲的王太買蒸爐、急凍帶子和生蠔等，花費一千多元。她認為價錢與平日大減價差不多，故未有購買海味等貴價食材。