元朗違泊嚴重 警懶執法
元朗公園南路欖口園違泊問題嚴重，警方被指執法不力！「明明公園另一邊就有好多咪錶位，但係啲車就泊晒喺呢度！」楊先生每朝皆會駕車接載兒女到附近上學，不滿警方漠視違泊問題，車輛泊滿路邊阻礙學生出入，「我想搵個安全啲嘅路口放低兩個仔女返學，但係啲車就朝朝都泊滿晒喺度，搞到佢哋落車都要攝車罅！」
警方發言人表示，由九月起至今曾接獲四宗有關投訴及發出過四張告票，元朗分區警署在接報後亦已加強巡邏，強調違泊情況已有明顯改善，會繼續留意情況並就違例事件採取適當行動。
「我每次去到都有成八、九架車泊咗喺度，佢幾個月先發四張告票，唔通非市中心就唔理？」楊先生不滿警方忽視違泊問題。當區區議員袁敏兒坦言知悉有關問題，認為違泊車輛令學生出入時須「左穿右插」構成危險，促警方加強打擊有關情況。