大舞台：政府中電 似夾埋做戲

無人幫手講好說話

德成局長解答金勞詹嘅疑難時，已經講咗未來三年會預留二千萬畀足總推行改革，而足總嘅會長同會董，都分別加設年期，唔可以無限連任。

講講吓，德成局長話，現時足總加入好多正派人士，好似前入境事務處處長白韞六等，即係話以前嘅董事唔係正派人士啦。最慘在場無人幫足總講好說話，老公係足總主席嘅紡織及製衣界議員梁劉柔芬無出聲，而體育、演藝、文化及出版界議員霍震霆可能因為屋企爭家產風波而缺席會議，德成局長亂講嘢，都無人幫佢兜。