政情：「魔術」女生選美揚威波蘭
香港女仔成日畀人話奄尖腥悶，香港專業教育學院（IVE）廿二歲靚女畢業生吳懿凌Elaine，早排代表香港去咗波蘭參加全球選美比賽「Miss Supranational 2011」，脫穎而出贏咗「友誼小姐」獎項，為港爭光之餘，仲同港女大平反。
膺友誼小姐 冀助搵工
Elaine贏到七十幾位唔同國籍佳麗嘅友誼，除咗憑友善態度同流利英文，最重要嘅原來係香港好流行嘅「無比滴」!Elaine話波蘭蚊好「毒」，畀蚊咬後三日都仲好痕，但外國無止癢膏，所以其他佳麗就搵佢攞「無比滴」，就算唔識英文都會問：「Hong Kong（佳麗以地區相稱），magic！」當正魔術咁神奇。
就憑「無比滴」之助，「友誼小姐」好自然就落入Elaine手上，評審認為佢成熟、有趣同自信。友誼小姐呢個獎項對Elaine工作大有幫助，Elaine將獎項寫喺履歷上面，搵工作更加容易，依家就做緊公關工作。