路口指示受阻 運署未對症下藥
李小姐間中會駕車接載親友往返大埔九龍坑村，每次擬由大窩東支路轉出粉嶺公路往大埔方向時，皆難以辨認前往高速公路的出口，「見到個『快速公路』牌之後仲有一段路先係出口，但視線就畀牌前面間屋遮住，完全睇唔到邊度係路口，次次都搞到過晒龍，要倒番車先出到！」
運輸署發言人表示，相關指示符合道路標準，但為進一步便利駕駛人士，當局正考慮以一個「前往粉嶺公路」指示牌取代現有指示牌，以提示不熟悉該區的道路使用者經粉嶺公路前往目的地。
「話緊個牌嘅擺位有問題，唔係唔知邊度出九龍，運輸署到底明唔明個問題喺邊？」李小姐不滿運輸署未有了解問題癥結，「改路牌啲字有咩用，問題係個牌後面有間屋遮住個出口！」