環境局局長邱騰華上任多年來，無論膠袋稅、慳電膽現金券或停車熄匙法例，樣樣都搞到一鑊泡，去年搞堆填區備受批評，而啱啱又整多單瘋狂加電費風波，劣績斑斑。對於中電堅持大幅加電費，邱騰華身為高官卻乜都做唔到，明知政府當初並無就兩電協議設立仲裁機制推翻加價決定，但尋日仍然死撐話會繼續同中電商討，甚至出口術以收緊管制協議嚟迫中電讓步，呢啲局長都係趁早落台啦！
