政情：選委女神自爆被擺上枱
被封為「選委女神」嘅碧樺依（Raees），循「民福60」名單以二千幾票高票當選選委，一鳴驚人。不過，原來Raees一直唔支持參加小圈子選舉，佢尋日出席電台節目時話，事前根本冇諗過參選，當初只係諗住同「民福60」團隊傾吓政綱、畀下意見，點知「原來一坐低就係要參選」，好似畀人擺上枱咁。
Raees又話，作為一個相信民主嘅泛民主派人士，其實絕對唔應該支持呢啲小圈子選舉，覺得係完全違反民主理念喎，佢話：「點解我有呢一票，點解人哋冇呢一票？我唔可以講代表任何人出嚟選！」所以Raees坦言，喺選同唔選之間，其實內心係有掙扎過嘅。
不過，Raees唔選都選咗，佢話依家可以做嘅就係透過今次選舉，為本港少數族裔人士發聲，爭取人權喎。