Line女不易做！初試啼聲的記者在客人首次點名「直接對話」後，留下深刻印象。對話開始，已要求記者分享偷情經驗：「你有冇試過偷食啊？係點㗎？」記者即佯裝鎮定，發揮想像力編出一則「性」故事，其後客人便侃侃而談自己與鄰居妻子的偷情性史，劇情誇張，其中大談三人性愛情節，令記者不禁職業病發，欲問詳情時，即被對方「彈鐘」。
未幾記者再收到另一客人來電，對方以「冧女聲」不斷追問記者，「你做乜工㗎？邊度返工？住邊啊？」十多分鐘的閒談後，更欲索取記者的電話號碼，並大膽相約外出，似是希望有「下文」，惟記者婉拒後，他以「夠鐘瞓覺」為由收線。
玩Line客人千奇百怪，大多為Line公司的熟客，在記者完成首天Line女上線的繁忙工作後，即覺喉嚨乾涸及沙啞，此時另一名Line女隨即遞過她桌上的開工孖寶──鹹檸檬及喉糖，關心地問：「你需要嗎？」