探射燈：玩Line公司吸血 女生線上「賣淫」
獨男難抵寂寞聖誕夜，令沉寂一時的色情電話公司乘機變陣經營，以「在家工作」廣告吸引年輕「靚聲女」隨時隨地用手提電話「傾偈」，更以賺快錢作招徠。本報直擊多間玩Line公司，發現受僱Line女不乏大專及留學生，而玩Line男士更是專業人士、公務員，甚至城中富豪，有金融才俊更月花五萬元玩Line，沉溺不能自拔。心理專家分析指，玩Line根本不能疏導性需要，只會愈玩愈上癮。
「同啲熱線朋友傾偈啫，乜嘢要求都冇，純正傾閒偈，你試吓，做一日唔做都有糧出。」廿多歲賦閒在家的港女阿玲日前致電Line公司求職，隨即被負責人Ada招攬，毋須上班，聽到電話便可賺錢，但表明有色情成分。兩、三句交談後，她即時安排阿玲試工，更指「傾偈好容易賺錢。」
阿玲首個客人便是公務員阿奇（化名），單身的他每周固定致電數次與Line女對話，但並非每次均涉及色情內容，「好多嘢唔想同熟人傾，佢唔知道你係邊個，你就可以release（釋放壓力）出嚟。」阿奇明言會與Line女講心事、秘密和「鹹濕嘢」，「報紙（廣告）講到好誇張，話『可能會搵到一夜情』。」
當阿玲完成首日試工後，負責人Ada對阿玲更是窮追不捨，每日均致電阿玲安排工作，自此阿玲無論在商場逛街、乘搭巴士，均會談及敏感話題，包括被問及戀愛狀態、身材等，令她不勝煩擾。阿玲坦言，雖暫未有人要求談性經驗，但已難忍「隨傳隨call」的Line女生涯。
稱月入兩萬 做到50歲
Line公司近期大肆招兵買馬，記者佯裝試工，直擊其中一間玩Line公司的工作實況。該公司位於新界一間工廈，裝潢與寫字樓無異，有多間獨立房供Line女開工之用。記者一踏入公司已聽到房內傳出的淫聲浪語，令人非常尷尬。
該公司主管Vivian年約二十多歲。但自稱已入行逾十年。她稱，Line女每日返十小時，底薪一千元及勤工獎五百元，其餘薪水按分鐘「出糧」，傾至一定「分鐘」，薪金可跳升，每分鐘由一元二角至兩元二角，「呢度嘅人基本上可以出到一萬蚊人工，有人可以有兩萬幾，睇你自己，份工唔分年紀亦都唔睇學歷，有人做到五十歲。」
Vivian即時教路如何成功玩Line，「唔使怕醜，都係講電話啫，冇損失㗎！」隨後，她更示範：「我係Joanna，一個人瞓唔着悶悶哋，想搵人傾偈，傾咩都得喎，大膽啲都得！」未幾Vivian便成功吸引客人對話，並即場「表演」電話性愛。
賺錢棄道德 恐淪援交
有關公司收費絕不便宜，由每分鐘六元至十元不等。據悉，光顧的客人不乏專業人士，包括高級公務員、金融才俊、會計師及生意人等，年齡介乎三十歲至六十多歲。Vivian更透露，有金融才俊曾沉迷玩Line，每日玩Line令電話費每月高達五萬元，「佢每晚玩完Line，第二日股票升，賺到錢，梗係唔怕玩啦。」另一名資深Line女則講出經驗之談，「佢哋（客人）唔係冇錢，只係唔鍾意召妓，講電話滿足到更多性幻想。我哋都幫到社會㗎，至少少啲強姦非禮案。」循道衞理楊震社會服務處預防青少年援交計劃主任謝紀良表示，少女一旦為賺錢玩Line，有機會逐漸將自己的身體界線、道德界線放低，最終可能會為了金錢踏上援交之路。
圖／文：專案組