特首參選人梁振英（CY）今屆循政協界別參選特首選委會，最後取得六十九票，剛好比日前同佢隔空互罵嘅星島新聞集團主席何柱國少一票，喺五十五名候選人當中排名五十一，喺「正常委員」當中排包尾，但又啱啱好唔會低過淪為次等嘅「特別委員」，真係將CY玩到殘，令佢非常尷尬。計數計得咁盡同咁準，想唔話係北京背後發功干預都冇人信！
