政情：潘佩璆為份工用iPhone
智能手機愈嚟愈普及，花款亦愈出愈多，就連實幹型嘅工聯會立法會議員潘佩璆，最近都忍唔住手出咗部iPhone 4S，一嘗智能手機嘅威力。潘佩璆話，其實佢一直都用開智能手機，呢次轉用iPhone純粹因為工作需要，同潮唔潮冇關係。
日前喺立法會見到潘佩璆攞住部iPhone篤吓篤吓，原來佢喺兩個星期前出咗部32 GB嘅黑色iPhone 4S。佢話自己用開其他牌子嘅智能手機，但因為喺醫院返工，必須要以推送方式收取醫院嘅電郵，但當用部舊手機設定推送電郵時，部手機無啦啦壞咗，重裝再搞都係唔掂，所以咪換機囉。